ਕੈਨੇਡਾ ਸਰਕਾਰ ਵੱਲੋਂ ਵਿਦੇਸ਼ੀ ਤਜਰਬੇ ਵਾਲੇ ਡਾਕਟਰਾਂ ਲਈ ਵਿਸ਼ੇਸ਼ ਐਲਾਨ

ਕੈਨੇਡਾ ਦੀ ਕੇਂਦਰੀ ਸਰਕਾਰ ਨੇ ਸੋਮਵਾਰ ਨੂੰ ਐਲਾਨ ਕੀਤਾ ਕਿ ਉਹ ਵਿਦੇਸ਼ੀ ਤਜਰਬੇ ਵਾਲੇ ਡਾਕਟਰਾਂ ਲਈ ਨਵਾਂ “ਐਕਸਪ੍ਰੈੱਸ ਐਂਟਰੀ” ਸ਼੍ਰੇਣੀ ਸ਼ੁਰੂ ਕਰ ਰਹੀ ਹੈ। ਇਹ ਕਦਮ ਦੇਸ਼ ਵਿੱਚ ਸਿਹਤ ਵਰਕਫੋਰਸ ਦੀ ਘਾਟ ਨੂੰ ਪੂਰਾ ਕਰਨ ਲਈ ਲਿਆ ਜਾ ਰਿਹਾ ਹੈ।

Minister of Immigration, Refugees and Citizenship, Lena Metlege Diab ਨੇ ਕਿਹਾ, “ਅਸੀਂ ਆਪਣੀਆਂ ਐਮਰਜੈਂਸੀ ਰੂਮਾਂ ਵਿੱਚ ਤਣਾਅ ਦੇਖਿਆ ਹੈ, ਪਰਿਵਾਰਾਂ ਤੋਂ ਸੁਣਿਆ ਹੈ ਜੋ ਡਾਕਟਰ ਦੀ ਉਡੀਕ ਕਰ ਰਹੇ ਹਨ, ਅਤੇ ਫਰੰਟ-ਲਾਈਨ ਸਟਾਫ਼ ਤੋਂ ਮਹਿਸੂਸ ਕੀਤਾ ਹੈ ਜੋ ਬਹੁਤ ਥੱਕੇ ਹੋਏ ਹਨ।”

ਇਹ ਨਵੀ ਸ਼੍ਰੇਣੀ ਉਹਨਾਂ ਵਿਦੇਸ਼ੀ ਤਜਰਬੇ ਵਾਲੇ ਡਾਕਟਰਾਂ ਲਈ ਹੈ ਜਿਨ੍ਹਾਂ ਨੇ ਪਿਛਲੇ ਤਿੰਨ ਸਾਲਾਂ ਵਿੱਚ ਕੈਨੇਡਾ ਵਿੱਚ ਘੱਟੋ-ਘੱਟ ਇੱਕ ਸਾਲ ਦਾ ਕੰਮ ਦਾ ਅਨੁਭਵ ਪ੍ਰਾਪਤ ਕੀਤਾ ਹੈ।

IRCC ਦੇ ਪ੍ਰੈਸ ਰਿਲੀਜ਼ ਮੁਤਾਬਕ, “ਅਸੀਂ ਇਨ੍ਹਾਂ ਡਾਕਟਰਾਂ ਨੂੰ ਕੈਨੇਡਾ ਵਿੱਚ ਸਥਾਈ ਰਹਾਇਸ਼ ਲਈ ਸਾਫ਼ ਰਾਹ ਦੇ ਰਹੇ ਹਾਂ, ਤਾਂ ਜੋ ਸਿਹਤ ਵਰਕਫੋਰਸ ਦੀ ਘਾਟ ਪੂਰੀ ਹੋ ਸਕੇ ਅਤੇ ਕੈਨੇਡਾ ਵਿੱਚ ਭਰੋਸੇਮੰਦ ਅਤੇ ਸਥਿਰ ਸਿਹਤ ਪ੍ਰਣਾਲੀ ਬਣੀ ਰਹੇ।”

ਜਿਹੜੇ ਵਿਦੇਸ਼ੀ ਡਾਕਟਰ ਇਸ ਪ੍ਰੋਗਰਾਮ ਲਈ ਨਾਮਜ਼ਦ ਹੋਣਗੇ, ਉਹਨਾਂ ਲਈ 14 ਦਿਨਾਂ ਵਿੱਚ ਵਰਕ ਪਰਮਿਟ ਪ੍ਰਕਿਰਿਆ ਤੇਜ਼ ਕੀਤੀ ਜਾਵੇਗੀ। ਇਸਦੇ ਨਾਲ-ਨਾਲ, 5,000 ਫੈਡਰਲ ਐਡਮਿਸ਼ਨ ਸਥਾਨ ਪ੍ਰਾਂਤਾਂ ਅਤੇ ਖੇਤਰਾਂ ਲਈ ਰਾਖੇ ਜਾਣਗੇ, ਤਾਂ ਜੋ ਉਹਨਾਂ ਕੋਲ job offers ਵਾਲੇ ਲਾਇਸੈਂਸਡ ਡਾਕਟਰਾਂ ਨੂੰ ਨਾਮਜ਼ਦ ਕਰਨ ਦਾ ਮੌਕਾ ਹੋਵੇ।