ਲੈਂਗਲੀ ਟਾਊਨਸ਼ਿਪ ਦੇ ਮੇਅਰ Eric Woodward ਖ਼ਿਲਾਫ਼ ਬਦਨਾਮੀ ਦਾ ਮੁਕੱਦਮਾ
ਲੈਂਗਲੀ ਟਾਊਨਸ਼ਿਪ ਦੇ ਮੇਅਰ Eric Woodward ਖ਼ਿਲਾਫ਼ ਇੱਕ ਪ੍ਰਮੁੱਖ ਸਥਾਨਕ ਪਰਿਵਾਰ ਨੇ ਬਦਨਾਮੀ ਦਾ ਮੁਕੱਦਮਾ ਦਾਇਰ ਕੀਤਾ ਹੈ। Martini ਪਰਿਵਾਰ ਦਾ ਦੋਸ਼ ਹੈ ਕਿ ਮੇਅਰ ਦੀਆਂ ਹਾਲੀਆ ਟਿੱਪਣੀਆਂ ਨੇ ਉਨ੍ਹਾਂ ਨੂੰ ਗਲਤ ਤਰੀਕੇ ਨਾਲ ਲਾਲਚੀ ਅਤੇ ਬੇਕਾਬੂ developers ਵਜੋਂ ਪੇਸ਼ ਕੀਤਾ।
ਇਹ ਮੁਕੱਦਮਾ ਚਾਰ Martini ਪਰਿਵਾਰਕ ਮੈਂਬਰਾਂ ਵੱਲੋਂ ਦਾਇਰ ਕੀਤਾ ਗਿਆ ਹੈ। ਦੋਸ਼ ਹੈ ਕਿ Woodward ਨੇ 16 ਜੁਲਾਈ ਨੂੰ CKNW ਰੇਡੀਓ ਇੰਟਰਵਿਊ ਦੌਰਾਨ Thomas ਅਤੇ Gemma Martini ਬਾਰੇ ਅਪਮਾਨਜਨਕ ਟਿੱਪਣੀਆਂ ਕੀਤੀਆਂ।
ਇੰਟਰਵਿਊ ਦੌਰਾਨ Woodward ਨੇ ਦੋਸ਼ ਲਗਾਇਆ ਸੀ ਕਿ Martini ਪਰਿਵਾਰ ਦੀਆਂ ਕੰਪਨੀਆਂ development fees ਅਤੇ community amenity contributions ਤੋਂ ਬਚਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ।
Martini ਪਰਿਵਾਰ ਦਾ ਕਹਿਣਾ ਹੈ ਕਿ ਇਨ੍ਹਾਂ ਟਿੱਪਣੀਆਂ ਨਾਲ ਉਨ੍ਹਾਂ ਨੂੰ ਬੇਈਮਾਨ ਅਤੇ ਲੈਂਗਲੀ ਦੇ ਪਰਿਵਾਰਾਂ ਦਾ ਫਾਇਦਾ ਚੁੱਕਣ ਵਾਲੇ ਲੋਕਾਂ ਵਜੋਂ ਦਰਸਾਇਆ ਗਿਆ।
ਇਸ ਮਾਮਲੇ ਵਿੱਚ CKNW ਜਾਂ ਉਸ ਦੀ parent company ਨੂੰ ਮੁਕੱਦਮੇ ਵਿੱਚ ਸ਼ਾਮਲ ਨਹੀਂ ਕੀਤਾ ਗਿਆ ਅਤੇ ਸਿਰਫ਼ Mayor Eric Woodward ਨੂੰ defendant ਬਣਾਇਆ ਗਿਆ ਹੈ।
Woodward ਨੇ ਦੋਸ਼ਾਂ ਨੂੰ ਰਾਜਨੀਤਿਕ ਪ੍ਰੇਰਿਤ ਦੱਸਦਿਆਂ ਕਿਹਾ ਹੈ ਕਿ ਉਹ ਨਾ ਤਾਂ ਚੁੱਪ ਹੋਣਗੇ ਅਤੇ ਨਾ ਹੀ ਕਿਸੇ ਧਮਕੀ ਤੋਂ ਡਰਣਗੇ। ਮੁਕੱਦਮੇ ਦੇ ਦੋਸ਼ ਅਜੇ ਅਦਾਲਤ ਵਿੱਚ ਸਾਬਤ ਨਹੀਂ ਹੋਏ ਹਨ।
ਇਸ ਲੇਖ ਨੂੰ ਸਾਂਝਾ ਕਰੋ:
