Michael Jackson ਖਿਲਾਫ਼ ਬੱਚਿਆਂ ਨਾਲ ਯੌਨ ਸ਼ੋਸ਼ਣ ਦਾ ਨਵਾਂ ਮੁੱਕਦਮਾ ਦਰਜ
ਮਸ਼ਹੂਰ ਪੌਪ ਗਾਇਕ Michael Jackson ਦੇ ਖਿਲਾਫ਼ ਇੱਕ ਨਵਾਂ ਸਿਵਲ ਮੁਕੱਦਮਾ ਦਰਜ ਕੀਤਾ ਗਿਆ ਹੈ, ਜਿਸ ਵਿੱਚ ਚਾਰ SIBLINGS ਨੇ ਦੋਸ਼ ਲਗਾਇਆ ਹੈ ਕਿ ਜੈਕਸਨ ਨੇ ਉਨ੍ਹਾਂ ਨਾਲ ਬਚਪਨ ਦੌਰਾਨ ਲੰਬੇ ਸਮੇਂ ਤੱਕ ਯੌਨ ਸ਼ੋਸ਼ਣ ਕੀਤਾ। ਇਹ ਸ਼ਿਕਾਇਤ 27 ਫਰਵਰੀ ਨੂੰ ਅਦਾਲਤ ਵਿੱਚ ਦਾਇਰ ਕੀਤੀ ਗਈ ਸੀ।
ਮੁਕੱਦਮੇ ਵਿੱਚ Edward, Dominic, Marie-Nicole ਅਤੇ Aldo Cascio ਨੇ ਦਾਅਵਾ ਕੀਤਾ ਹੈ ਕਿ ਜੈਕਸਨ ਨੇ ਉਨ੍ਹਾਂ ਨਾਲ ਉਸ ਵੇਲੇ ਦੁਰਵਿਵਹਾਰ ਕੀਤਾ ਜਦੋਂ ਉਹ ਸਿਰਫ਼ ਸੱਤ ਜਾਂ ਅੱਠ ਸਾਲ ਦੇ ਸਨ। ਉਨ੍ਹਾਂ ਦੇ ਮੁਤਾਬਕ ਇਹ ਘਟਨਾਵਾਂ ਦਸ ਸਾਲ ਤੋਂ ਵੱਧ ਸਮੇਂ ਤੱਕ ਵੱਖ-ਵੱਖ ਥਾਵਾਂ ‘ਤੇ ਹੋਈਆਂ, ਜਿਨ੍ਹਾਂ ਵਿੱਚ ਕੈਲੀਫੋਰਨੀਆ ਵਿੱਚ ਜੈਕਸਨ ਦਾ ਪ੍ਰਸਿੱਧ ਘਰ Neverland Ranch ਵੀ ਸ਼ਾਮਲ ਹੈ। ਕੁਝ ਘਟਨਾਵਾਂ ਸਵਿਟਜ਼ਰਲੈਂਡ ਵਿੱਚ Elizabeth Taylor ਦੇ ਘਰ ਅਤੇ ਯੂਨਾਈਟਡ ਕਿੰਗਡਮ ਵਿੱਚ Elton John ਦੇ ਘਰ ਵਿੱਚ ਵੀ ਹੋਈਆਂ।
ਕਾਨੂੰਨੀ ਦਸਤਾਵੇਜ਼ਾਂ ਵਿੱਚ ਦੋਸ਼ ਲਗਾਇਆ ਗਿਆ ਹੈ ਕਿ ਜੈਕਸਨ ਨੇ ਬੱਚਿਆਂ ਨੂੰ ਮਨੋਵਿਗਿਆਨਕ ਤੌਰ ‘ਤੇ ਪ੍ਰਭਾਵਿਤ ਕਰਕੇ ਅਤੇ ਉਨ੍ਹਾਂ ਨੂੰ ਪਰਿਵਾਰ ਤੋਂ ਦੂਰ ਰੱਖ ਕੇ ਆਪਣਾ ਕਬਜ਼ਾ ਬਣਾਇਆ। ਮੁਕੱਦਮੇ ਵਿੱਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਉਨ੍ਹਾਂ ਨੂੰ ਨਸ਼ੀਲੇ ਪਦਾਰਥ ਅਤੇ ਸ਼ਰਾਬ ਦਿੱਤੀ ਗਈ ਅਤੇ ਅਸ਼ਲੀਲ ਸਮੱਗਰੀ ਦਿਖਾ ਕੇ ਉਨ੍ਹਾਂ ਨੂੰ ਡਰਾਇਆ ਅਤੇ ਚੁੱਪ ਰਹਿਣ ਲਈ ਮਜਬੂਰ ਕੀਤਾ ਗਿਆ।
ਪਰ ਜੈਕਸਨ ਦੀ ਇਸਟੇਟ ਦੇ ਵਕੀਲ Marty Singer ਨੇ ਇਹ ਦੋਸ਼ ਰੱਦ ਕਰ ਦਿੱਤੇ ਹਨ ਅਤੇ ਇਸ ਮੁਕੱਦਮੇ ਨੂੰ “ਪੈਸੇ ਹਾਸਲ ਕਰਨ ਦੀ ਕੋਸ਼ਿਸ਼” ਕਰਾਰ ਦਿੱਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਕਾਸਚਿਓ ਪਰਿਵਾਰ ਪਹਿਲਾਂ ਕਈ ਸਾਲਾਂ ਤੱਕ ਜੈਕਸਨ ਦੀ ਬੇਗੁਨਾਹੀ ਦਾ ਸਮਰਥਨ ਕਰਦਾ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ 2005 ਵਿੱਚ ਜੈਕਸਨ ‘ਤੇ ਬੱਚੇ ਨਾਲ ਦੁਰਵਿਵਹਾਰ ਦਾ ਇੱਕ ਹੋਰ ਮਾਮਲੇ ਵਿੱਚ ਮੁਕੱਦਮਾ ਚੱਲਿਆ ਸੀ, ਪਰ ਅਦਾਲਤ ਨੇ ਉਸ ਨੂੰ ਦੋਸ਼ਾਂ ਤੋਂ ਬਰੀ ਕਰ ਦਿੱਤਾ ਸੀ। Michael Jackson ਦੀ 2009 ਵਿੱਚ 50 ਸਾਲ ਦੀ ਉਮਰ ਵਿੱਚ ਮੌਤ ਹੋ ਗਈ ਸੀ।
ਇਸ ਲੇਖ ਨੂੰ ਸਾਂਝਾ ਕਰੋ:
